वेगवान नाशिक / बाबा पवार
देवळा : पिंपळगाव ( वा ) शिवारात देवळा मालेगाव रोडवर मोटारसायकल व अर्टिगा यांच्यात समोरासमोर झालेल्या भीषण धडकेत दोन जण ठार जागीच झाले असून अपघातास कारणीभूत असलेले चार चाकी वाहन सोडून चालक फरार झाला आहे.
याबाबत सविस्तर वृत्त असे की शुक्रवार दिनांक ७ रोजी सायंकाळी पाच वाजेचा सुमारास पिंपळगाव ( वा.) शिवारातील देवळा मालेगाव रोडवर देविदास पांडुरंग ठाकरे ( वय २६ ) व कैलाश पुंडलिक देवरे ( वय ५५ ) दोन्ही राहणार धोबीघाट, दहिवड, तालुका देवळा हे मोटारसायकल क्रमांक एम. एच. ४१ बी. एस. ३१५२ वर दहिवड कडून देवळ्याकडे येत असतांना देवळ्याकडून दहिवडकडे जात असलेल्या अर्टिगा क्रमांक एम. एच. ०४ एच. यू . १२८३ यांच्या समोरासमोर धडक होऊन भीषण अपघात झाला.
या अपघातात मोटारसायकल वरील दोघे जागेवरच ठार झाले. तर अपघातास कारणीभूत असलेली अर्टिगा गाडी घटनास्थळी सोडून चालक फरार झाला घटनेची माहिती मिळताच देवळा पोलीस ठाण्याचे पोलीस निरीक्षक सार्थक नेहेते यांनी घटनास्थळी धाव घेतली व पंचनामा करून दोन्ही मृतदेह शवविच्छेदनासाठी देवळा ग्रामीण रुग्णालयात हलवण्यात आले आहेत.
