येवला पूर्व भागात भयानक पाऊस – पिके जमीनदोस्त, शेतकरी हवालदिल

वेगवान मराठी /एकनाथ भालेराव

येवला: दिनांक :27सप्टेंबर /येवला तालुक्याच्या पूर्व व उत्तर-पूर्व भागात वादळी वाऱ्यासह मुसळधार पाऊस झाला.
संध्याकाळी ४ वाजता सुरु झालेला पाऊस रात्री उशिरापर्यंत सुरूच राहिला.

२२ तारखेच्या तडाख्यातून कसाबसा बचावलेला परिसर आता पुन्हा पावसाच्या झोडप्यात सापडला असून, सतत कोसळणाऱ्या पावसामुळे मका, सोयाबीन, कांद्याची रोपे व लागवड केलेला कांदा पुन्हा पाण्याखाली गेला आहे.

प्रचंड वाऱ्यामुळे मक्याचे पिक जमीनदोस्त झाले असून शेतकऱ्यांच्या उभ्या पिकांवर मोठे संकट कोसळले आहे. शेतकरी हतबल झाले आहेत.

बाधित गावे:-

“ममदापुर, सायगाव, भारम,रहाडी, वाघाले कोळम, डोंगरगाव, गवंडगाव, अंदरसूल, आडसुरेगाव, देवठाण, राजापूर, न्याहारखेडा, रेंडाळे, अंगुलगाव, पांजरवाडी, आदीदेवळाणे बोकटे खामगाव सुरेगाव गंवडगाव  आदी परिसरातील शेतं पाण्याखाली गेली आहेत.
संपूर्ण पूर्व भागात कोसळधार पाऊस सुरू असून पिकांचे मोठे नुकसान झाले आहे.
शेतकऱ्यांची चिंता दिवसेंदिवस वाढत असून, नुकसानीचे तात्काळ पंचनामे करून शेतकऱ्यांना तातडीने मदत द्यावी ”
भागवतराव सोनवणे,
संयोजक जलहक्क संघर्ष समिती, कर्ज मुक्त शेतकरी अभियान, येवला.