वेगवान मराठी नेटवर्क
नवी दिल्ली, ता. 25 नोव्हेंबर 2024
जगभरातील हवामान तज्ज्ञांसमोर आज दुहेरी नैसर्गिक संकट उभे राहिले आहे. एका बाजूला प्रखर ज्वालामुखीचा उद्रेक झाल्याचे समोर आले असून, दुसरीकडे समुद्राच्या मध्यभागी चक्रीवादळ वेगाने तयार होत असल्याचे मौसम विभागाने पुष्टी केली आहे.
लिंक ओपण करुन व्हिडीओ पहा
ज्वालामुखीचा भीषण उद्रेक
पर्यटनासाठी प्रसिद्ध असलेल्या एका बेटावर स्थित सक्रिय ज्वालामुखीने आज सकाळी अचानक भीषण उद्रेक केला.
लाव्ह्याचे तांबूस प्रवाह दूरवर पसरू लागले असून ज्वालामुखीच्या मुखातून जबरदस्त धुराचे ढग आकाशात झेपावले.
स्थानिक प्रशासनाने जवळील गावांमधील नागरिकांना तातडीने सुरक्षित भागात हलविण्याच्या सूचना दिल्या आहेत.
तसेच, हवाई वाहतूक आणि समुद्री वाहतूक तात्पुरती बंद करण्याचा निर्णय घेण्यात आला आहे.हे राखेचे ढग जमिनीपासून 45,000 फूट उंचीवर आहेत.
रात्री 11 वाजण्याच्या सुमारास इथिओपियाच्या हेले गुब्बी ज्वालामुखीच्या उद्रेकामुळे निर्माण झालेल्या राखेचा मोठा ढीग दिल्लीत आणि देशात पोहोचला. पहिल्यांदाच राजस्थान आणि त्यानंतर दिल्ली असे करून राखेचा ढीग पुढे पुढे सरकताना देशात दिसतोय. यामुळे वातावरणात मोठा बदल झाला असून धूळ दिसत आहे. भारतीय हवामान विभागाच्या अंदाजानुसार, अंधूक ढग दिसतील आणि ढगाळ वातावरण दिसेल.
हवामान तज्ज्ञांच्या मते उद्रेकाचा जोर पुढील काही तास कायम राहण्याची शक्यता आहे.
🌪️ समुद्रात निर्माण झाले चक्रीवादळ
याच दरम्यान, दक्षिण-पूर्व समुद्रात कमी दाबाचा पट्टा तयार झाला असून ते वेगाने तीव्र होत चक्रीवादळात परिवर्तित होत आहे.
सॅटेलाइट चित्रांनुसार चक्रीवादळाचा डोळा स्पष्ट दिसत असून वाऱ्याचा वेग पुढील 24 तासांत आणखी वाढण्याची शक्यता वर्तवली जात आहे.
हवामान विभागाने समुद्रकिनारी असलेल्या सर्व प्रदेशांना सतर्क राहण्याचे आवाहन केले आहे.
मच्छीमारांना खोल समुद्रात न जाण्याचा कडक इशारा देण्यात आला आहे.
या दोन घटनांचा व्यापक परिणाम
तज्ज्ञांच्या मते —
- वातावरणातील तापमान बदल
- समुद्री दाबातील अस्थिरता
- हवा आणि राखेच्या प्रवाहातील बदल
यामुळे हवामानात आणखी अनिश्चितता निर्माण होऊ शकते.
सध्या दोन्हीही घटना वेगवेगळ्या ठिकाणी घडत असल्या, तरी त्यांचा प्रदेशीय हवामानावर मोठा परिणाम होण्याची शक्यता नाकारता येत नाही.
महाराष्ट्रातील सात जिल्ह्यामध्ये पावस पडणार असल्याचा अंदाज वर्तविण्यात आलायं. थंडी कमी होणार असून ढगाळ वातावरण राहणार आहे.
राज्यात आज तापमानातील वाढ कायम राहणार असून, राजधानी मुंबईसह ठाणे, रायगड, रत्नागिरी, सिंधुदुर्ग, सांगली आणि कोल्हापूर या जिल्ह्यांमध्ये ढगाळ आकाश, विजांच्या कडकडाटासह हलक्या ते मध्यम पावसाची शक्यता हवामान विभागाकडून वर्तवण्यात आली आहे.
