वणी गडावर इनोव्हा दरीत कोसळून सहा जणांचा मृत्यू; पटेल कुटुंबातील सर्वांचा करुण अंत ; मृतांची नावे आली समोर

वेगवान नाशिक / किरणकुमार आवारे

शिरवाडे वाकद दिनांक ७ डिसेंबर २०२५ :- वणी गडावर भीषण अपघाताची घटना घडली असून इनोव्हा गाडी थेट सुमारे ६०० फूट दरीत कोसळल्याने पाच जणांचा मृत्यू झाल्याची प्राथमिक माहिती समोर आली आहे. पिंपळगाव ब येथील MH-15-BN-0555 क्रमांकाची इनोव्हा गाडी पिंपळगाव चिंचखेड मार्गे मौजे सप्तश्रृंगीगड घाटातील मंकी पॉईंट परिसरातून जात असताना हा अपघात झाला.

गाडीमध्ये एकूण सहा जण होते आणि सर्व जण ठार झाल्याची माहिती कळवण महसूल विभागाकडून मिळाली आहे. मृतांमध्ये एकाच कुटुंबातील व्यक्तींचा समावेश असल्याने परिसरात हळहळ व्यक्त होत आहे.

मयत कुटुंबातील व्यक्तींची नावे पुढीलप्रमाणे —

कीर्ती पटेल (50)

रशिला पटेल (50)

विठ्ठल पटेल (65)

लता पटेल (60)

पचन पटेल (60)

मनीबेन पटेल (70)

या गंभीर दुर्घटनेची माहिती निफाडचे तहसीलदार विशाल नाईकवाडे यांनी दिली असून घटनास्थळी बचावकार्य सुरू आहे.