नाशिक: ‘इव्हेंट’च्या बहाण्याने तरुणीची २ लाखांना विक्री; सक्तीने लावून दिले लग्न

नाशिक: ‘इव्हेंट’च्या बहाण्याने तरुणीची २ लाखांना विक्री; सक्तीने लावून दिले लग्न

वेगवान मराठी : मारुती जगधने

दि : 2 मार्च 2026

​नाशिकच्या सातपूर भागातील एका तरुणीला कामाचे आमिष दाखवून तिची विक्री केल्याचा धक्कादायक प्रकार उघडकीस आला आहे. पोलिसांनी या तरुणीची सुटका केली आहे.

• ​नेमकी घटना: सातपूर येथील कार्बन नाका भागातील एक तरुणी बेपत्ता झाली होती. तिच्या वडिलांनी पोलिसांत तक्रार दिली होती. दोन दिवसांनी तरुणीने फोन करून तिला नांदगाव येथे विकले असून जबरदस्तीने लग्न लावून दिल्याचे सांगितले.
• ​आरोपींची कार्यपद्धती: ‘राणी’ आणि ‘भागी’ नावाच्या दोन महिलांनी या तरुणीला ‘इव्हेंट मॅनेजमेंट’ मध्ये काम देण्याच्या बहाण्याने मालेगावला नेले. तिथून तिला २ लाख रुपयांना विकले आणि नवनाथ  नावाच्या तरुणासोबत तिचे सक्तीने लग्न लावून दिले.
• ​पोलीस कारवाई: वरिष्ठ पोलीस निरीक्षक प्रकाश आहेर यांच्या मार्गदर्शनाखाली दीपक खरपडे आणि वंदना पवार यांच्या पथकाने नांदगाव पोलिसांच्या मदतीने जातेगाव येथे छापा टाकला.
• ​गावकऱ्यांचा विरोध: पोलिसांनी तरुणीला ताब्यात घेण्याचा प्रयत्न केला असता, साधारण २०० ते ३०० गावकऱ्यांनी पोलीस पथकाला घेराव घातला. “आम्ही पैसे देऊन लग्न केले आहे, मुलगी देणार नाही,” अशी भूमिका गावकऱ्यांनी घेतल्याने तणाव निर्माण झाला होता. अखेर उपायुक्त किशोर काळे आणि स्थानिक पोलिसांच्या मदतीने तरुणीला नाशिकला सुरक्षित आणण्यात आले.

​पोलिसांना यामागे गरीब घरातील मुलींना फसवून विकणारे एक मोठे रॅकेट सक्रिय असण्याची शक्यता वाटत आहे. संशयित महिलांचा शोध सुरू असून यातून आणखी काही गुन्हे उघड होण्याची शक्यता आहे.

दरम्यान काही वर्षापूर्वी नांदगांव येथे एका भिकारी महिलेने बाळाला जन्मदिला त्याची नांदगाव ग्रामीण रुग्नालयात बाळाची जन्माची  नोंद आहे . असे एका भिकारी महिलेचे बाळ दोन महिलांनी बळजबरी ने घेऊन त्या  बाळाची विल्हेवाट लाऊन लाभ करून घेतला कालांतराने ती भिकारी महिला देखील परागंधा झाली ? अशी जोरदार चर्चा तेंव्हा झाली होती .

​महत्त्वाची टीप: नोकरी किंवा कामाच्या शोधात असताना अनोळखी व्यक्तींच्या प्रलोभनांना बळी पडू नका. असे आवाहन करण्यात आले .