सिन्नर:शिक्षकी पेशाला काळीमा… नामांकित शिक्षण संस्थेच्या शाळेत मुख्याध्यापकाचा अल्पवयीन विद्यार्थिनीवर डोळा…

नामांकित शिक्षण संस्थेच्या शाळेत मुख्याध्यापकाने शाळेतील तेरा वर्षीय विद्यार्थिनींसोबत अश्लील गैरवर्तन केल्याची खळबळजनक घटना घडली.सिन्नर तालुक्यातील माळेगाव माध्यमिक विद्यालयात  संतापजनक प्रकार घडला.

हिंदी विषय शिकवणारा मुख्याध्यापक त्या मुलींशी लगट करून त्यांच्याशी अश्लील वर्तन व घाणेरड्या भाषेत बोलत असे. अल्पवयीन मुलीच्या आईने दिलेल्या फिर्यादीवरून नराधम मुख्याध्यापकावर गुन्हा दाखल करण्यात आला आहे.

आठवी व नववीतील काही विद्यार्थिनींशी गैरवर्तन केल्याचा तसेच अश्लील भाषेचा वापर केल्याचा आरोप करण्यात आला आहे.या प्रकारामुळे घाबरलेल्या विद्यार्थिनींनी आपल्या पालकांकडे घडलेला प्रकार कथन केल्यानंतर संतप्त पालकांनी शनिवार (दि. १८ जुलै) रोजी शाळेत धडक देत मुख्याध्यापकांविरोधात जोरदार आंदोलन केले. संबंधितांवर तात्काळ कठोर कारवाई करण्याची मागणी करत एमआयडीसी पोलीस ठाण्यात लेखी तक्रार दाखल करण्यात आली.