नांदगाव नगरपालिका निवडणुका : नामांकन छाननीत तीन नगराध्यक्ष आणि 14 नगरसेवक उमेदवार बाद

नांदगाव नगरपालिका निवडणुका : नामांकन छाननीत तीन नगराध्यक्ष आणि 14 नगरसेवक उमेदवार बाद

वेगवान मराठी : मारुती जगधने

” दि 18 नोव्हेंबर 2025 . “नांदगाव नगरपालिकेच्या आगामी निवडणुकांसाठी दाखल झालेल्या नामांकन पत्रांची आज छाननी पार पडली. नगराध्यक्ष पदासाठी एकूण 10 उमेदवारांनी अर्ज दाखल केले होते, त्यापैकी 3 अर्ज अवैध ठरले. त्यामुळे आता नगराध्यक्ष पदासाठी 7 उमेदवार अंतिम रिंगणात राहिले आहेत.

त्याचप्रमाणे, नगरसेवक पदासाठी एकूण 70 अर्ज दाखल झाले होते. छाननी प्रक्रियेत 14 नामांकन पत्रे अवैध ठरल्याने, आता 56 उमेदवार निवडणूक मैदानात उरलेले आहेत.

शिवसेनेचे सागर हिरे ठरले प्रमुख दावेदार
शिवसेनेच्या वतीने नगराध्यक्ष पदासाठी सागर हिरे यांचा एकमेव अर्ज दाखल झालेला असून, त्यामुळे ते या पदासाठी प्रमुख दावेदार ठरले आहेत.
विशेष म्हणजे, अनेक ठिकाणी आमदार स्वतःच्या परिवारातील व्यक्तींना उमेदवारी देताना दिसतात; परंतु नांदगावचे आमदार सुहास कांदे यांनी एका सामान्य, कार्यकर्त्याला नगराध्यक्षपदाची जबाबदारी देऊन एक आगळा-वेगळा आदर्श निर्माण केला आहे. या निर्णयामुळे नांदगावमधील निवडणुकीला एक वेगळे राजकीय स्वरूप प्राप्त झाले आहे.

बाद झालेले प्रमुख नगराध्यक्ष उमेदवार
नगराध्यक्ष पदासाठी बाद झालेल्या उमेदवारांमध्ये पुढील तीनांचा समावेश आहे:मात्र नगराध्यक्ष पदासाठी माजी नगराध्यक्ष राजेश कवडे यांचा अपक्ष एक अर्ज वैद ठरलेला आहे .दिनांक 21 नोव्हेंबर च्या माघारी नंतर नगराध्यक्ष पदासाठी किती उमेदवार रिंगणात आणि नगरसेवक पदासाठी किती उमेदवार रिंगणात असतील हे ठरेल .

राजेश कवडे (माजी नगरपालिका अध्यक्ष)
अरुण पाटील (माजी नगरपालिका अध्यक्ष)
किरण देवरे माजी नगरसेवक
या अनुभवी उमेदवारांचे अर्ज बाद झाल्याने, त्यांची पुढील राजकीय भूमिका काय असणार याबाबत नागरिकांमध्ये उत्सुकता निर्माण झाली आहे.

नगरसेवक पदासाठी बाद झालेले एकूण 14 उमेदवार
नगरसेवक पदासाठी दाखल झालेल्या 70 अर्जांपैकी 14 अर्ज अवैध ठरले. बाद झालेल्या उमेदवारांमध्ये विविध पक्षांच्या उमेदवारांचा समावेश आहे. त्याची यादी पुढीलप्रमाणे:

भाजप :
सतीश शिंदे
राजेंद्र गांगुर्डे
एनसीपी :
सचिन देवकाते
राजेंद्र मोकळ
नीलो मुक्तार
शिवसेना :
विक्रांत कवडे
मनिषा काकळीच
शोभा कासलीवाल
वंदना चंद्रशेखर कवडे
बाळू शेवरे
अजय गंगाधर थोरात
माधुरी सागर हिरे
प्रकाश कचरू शिंदे
अपक्ष :
नामदेव तांबे
ही नामांकनपत्रे बाद झाल्याने आता 56 उमेदवार अंतिम स्पर्धेत राहिले आहेत.

आता नांदगावमध्ये रंगणार रंगतदार निवडणूक
नांदगावमधील राजकीय समीकरणे बदलत असताना, प्रमुख नेते आणि माजी नगराध्यक्षांचे अर्ज बाद झाल्याने निवडणूक अधिकच रोचक बनली आहे. सागर हिरे यांच्या उमेदवारीमुळे शिवसेनेच्या बाजूला गती मिळाल्याचे पाहायला मिळत आहे.

नागरिकांची नजर आता प्रमुख पक्षांच्या रणनीती, युती आणि प्रचारावर खिळलेली आहे.