BREKiNG ; सिन्नरच्या पंचाळे ते शहा रोडवर भीषण अपघातात होरपळून चौघांचा मृत्यू ..
BREAKING: Four people burned to death in a horrific accident on the Panchale-to-Shah road in Sinnar.
वेगवान नाशिक / भाऊसाहेब हांडोरे
सिन्नर | ११ एप्रिल २०२६ — तालुक्यातील पंचाळे पासून 2 किलोमीटर शहा रोड अंतरावर पिकप आणि अशोक लेलँड टेंपो यांच्या त भीषण अपघात .चार जण ठार.. पिकपला आग लागली असता तिन जग होरपळून मृत्यू व तर एक आजी बाहेर काढल्या नंतर दगावली. डोळ्यासमोर कुटुंबातील तिघांचा मृत्यू झाल्याचे पाहून आजीला बसला धक्का धक्का.. धक्का सहन न झाल्याने आजीनेही सोडला प्राण … गावावर शोकळा .. !
याबाबत प्राथमिक मिळालेल्या माहितीनुसार सविस्तर वृत्त असे की. सिन्नर तालुक्यातील पंचाळे ते शहा दरम्यान शनिवारी मध्यरात्री एक अत्यंत हृदयद्रावक घटना घडली. नातेवाईकाच्या ‘जागरण गोंधळ’ कार्यक्रमावरून घरी परतत असताना ट्रक आणि पिकअप यांच्यात झालेल्या भीषण धडकेत एकाच गावातील चौघांचा मृत्यू झाला. या अपघातानंतर पिकअप गाडीने पेट घेतल्याने तिघांचा गाडीतच होरपळून अंत झाला, तर एका महिलेचा बाहेर फेकले गेल्याने मृत्यू झाला.
मिळालेल्या प्राथमिक माहितीनुसार, पंचाळे येथील हे कुटुंब एका धार्मिक कार्यक्रमावरून पिकअप गाडीने परतत असताना रात्री २ वाजेच्या सुमारास हा अपघात झाला. समोरून येणाऱ्या ट्रकशी पिकअपची जोरदार धडक झाली. धडक इतकी भीषण होती की पिकअप गाडीने तात्काळ पेट घेतला. या आगीत गाडीचे चालक आणि पती-पत्नी गाडीत अडकून पडले आणि त्यांचा जागीच होरपळून मृत्यू झाला.
अपघाताच्या धक्क्याने एक वृद्ध महिला गाडीबाहेर फेकली गेली. मात्र, समोरचे भयानक दृश्य पाहून आणि किरकोळ जखमी असतानाही बसलेल्या मानसिक धक्क्याने (Shock) त्या माऊलीचाही मृत्यू झाल्याची माहिती समोर येत आहे.
मृतांची नावे
सर्व मृत व्यक्ती सिन्नर तालुक्यातील पंचाळे येथील रहिवासी आहेत:
1. किरण रवी मोरे (वय २३) – चालक
2. शुभम गणेश नवले (वय २१) – पती
3. रिंकू शुभम नवले (वय १९) – पत्नी
4. मिराबाई विश्वनाथ गांगुर्डे (वय ६८) – आजी
मदतकार्य आणि प्रशासन
घटनेची माहिती मिळताच सिन्नर नगरपालिकेचे अग्निशमन दल, सिन्नर एमआयडीसीचे अग्निशमन दल आणि एमआयडीसी पोलिसांनी घटनास्थळी धाव घेतली. रुग्णवाहिकांच्या मदतीने मृतदेह सिन्नरच्या उपजिल्हा रुग्णालयात हलविण्यात आले आहेत. वावी पोलीस स्टेशनशी संपर्क साधला असता, सध्या पुढील कायदेशीर प्रक्रिया सुरू असून अद्याप अधिकृत गुन्ह्याची नोंद करण्याचे काम सुरू असल्याचे सांगण्यात आले.
एकाच गावातील चार तरुणांचा अशा पद्धतीने अंत झाल्याने पंचाळे परिसरात आणि संपूर्ण सिन्नर तालुक्यात मोठी हळहळ व्यक्त केली जात आहे.
अपघातात घरातील माणसं दगावल्याचे पाहून आजीनेही सोडला ..प्राण — ! हृदय पिळवटून टाकणारा प्रसंग … घटनेला परिसरातून शोक व्यक्त केला जात असून संपूर्ण परिसरात हळूहळू व्यक्त केली जात आहे .
BREAKING: Four people burned to death in a horrific accident on the Panchale-to-Shah road in Sinnar. 
