📢 वृत्तांत : १४ ऑगस्ट पासून प्रत्येक शाळेवर प्रार्थने सोबत पसायदान

📢 वृत्तांत 

पसायदान दिनांक 14 ऑगस्ट पासून सकाळच्या प्रार्थनेत प्रत्येक शाळेमध्ये नियमितपणे म्हटले जाणार मुख्यमंत्र्यांचा आदेश

वेगवान मराठीः दि . 10 ऑगस्ट : – मारूती जगधने

अध्यात्मिक मूल्यांची जपणूक होऊन बालमनावर चांगले संस्कार व्हावेत, यासाठी महाराष्ट्र शासनाने महत्त्वपूर्ण पाऊल उचलले आहे. राज्यातील सर्व शाळांमध्ये संत ज्ञानेश्वरांनी रचलेले पसायदान १४ ऑगस्टपासून सकाळच्या प्रार्थनेत नियमितपणे म्हटले जाणार आहे.

 

शिक्षण विभागाने याबाबत सर्व जिल्हा परिषद, नगर परिषद तसेच खासगी शाळांना आदेश काढले असून, विद्यार्थ्यांच्या चारित्र्यविकासासाठी व समाजात बंधुभाव, शांतता, परस्पर सन्मान यांसारख्या मूल्यांची रुजवण करण्याचा उद्देश आहे.

 

पसायदानाच्या ओव्या साध्या, सोप्या भाषेत असून त्यातून दया, करुणा, समता आणि ज्ञानाची शिकवण मिळते. त्यामुळे हे पठण विद्यार्थ्यांच्या दैनंदिन प्रार्थनेचा महत्त्वाचा भाग ठरणार आहे.

 

स्थानिक पालक व शिक्षक वर्गाने या निर्णयाचे स्वागत केले असून, “पसायदानामुळे मुलांमध्ये सकारात्मक विचार आणि मूल्याधिष्ठित जीवनशैलीची प्रेरणा मिळेल,” असे मत व्यक्त केले आहे.

 

 

मुख्यमंत्री देवेंद्र फडणवीस यांनी या संदर्भातले आदेश काढण्याचे सूचना संबंधित सचिवांना दिल्या असून सदर सचिवांनी या संबंधातले आदेश पत्र पुणे विद्यापीठाकडे सादर केले असून त्यानुसार येत्या 14 ऑगस्ट पासून महाराष्ट्र राज्यातील सर्व शाळांना पसायदान सकाळी प्रार्थनेच्या वेळी नियमित म्हटले जाणार आहे .महाराष्ट्र राज्यामध्ये घराघरांमध्ये हरिपाठ प्रसंगी किंवा धार्मिक प्रार्थने प्रसंगी पसायदान म्हटले जाते हे पसायदान आता रोज सकाळी प्रत्येक शाळेमध्ये प्रार्थनेच्या वेळी म्हटले जाणार आहे जाणार आहे .