वेगवान नाशिक / किरणकुमार आवारे
शिरवाडे वाकद:- दि.२५ जानेवारी रोजी सायंकाळी सुमारे पाच वाजण्याच्या सुमारास अशोक रामदास मोरे यांच्या शेतात काम करत असताना दारूच्या नशेत चक्कर आल्याने खाली पडून ट्रॅक्टरच्या चाकाजवळ सापडल्याने एका शेतमजुराचा मृत्यू झाल्याची दुर्दैवी घटना वाकद येथे घडली.
मयताचे नाव संजय चिंधु पवार (वय ५३) असून, याबाबत त्यांचे धाकटे भाऊ विजय चिंधु पवार यांनी लासलगाव पोलीस ठाण्यात खबर दिली आहे. खबरीनुसार, संजय पवार हे दारू पिऊन शेतात काम सुरू असताना ट्रॅक्टरजवळ उभे होते. त्यावेळी दारूच्या नशेमुळे चक्कर आल्याने ते खाली पडले. याच वेळी ट्रॅक्टरचे चाक त्यांच्या डाव्या पायाच्या मांडीजवळून गेल्याने ते गंभीर जखमी होऊन बेशुद्ध झाले. त्यानंतर त्यांना तातडीने उपचारासाठी सायंकाळी सुमारे सात वाजता उपजिल्हा रुग्णालय, निफाड येथे दाखल करण्यात आले. मात्र, डॉक्टरांनी तपासणीअंती त्यांना मयत घोषित केले.
या घटनेची नोंद लासलगाव पोलीस ठाण्यात अकस्मात मृत्यू रजिस्टर नंबर ०२/२०२६ नुसार भारतीय नागरी सुरक्षा संहिता कलम १९४ अन्वये करण्यात आली आहे. घटनेची माहिती मिळताच सहायक पोलीस निरीक्षक भास्करराव शिंदे यांनी घटनास्थळी भेट दिली. या प्रकरणाचा अधिक तपास पोलीस हवालदार औदुंबर मुरडनर करीत आहेत.
