महाराष्ट्र पाऊस कोसळणार हवामान विभागाचे अपडेट

वेगवान नेटवर्क डीजटल टीम

पुणे,ता. 3 जानेवारी 2024-  देशभरात हवामानाचे चित्र सतत बदलत आहे. काही ठिकाणी प्रचंड गारठा तर काही भागात अनपेक्षित पावसामुळे जनजीवन विस्कळीत झाले आहे. नववर्षाच्या पहिल्याच दिवशी, म्हणजे 1 जानेवारी 2026 रोजी, अनेक भागांत अचानक जोरदार पाऊस झाला. त्यापूर्वी काही दिवस राज्यभर तीव्र थंडी जाणवत होती. हवामान विभागाच्या अंदाजानुसार जानेवारी महिन्यातही हा गारठा कायम राहण्याची शक्यता आहे. उत्तर दिशेकडून येणाऱ्या थंड वाऱ्यांमुळे अनेक जिल्ह्यांत तापमान आणखी घसरणार आहे.

उत्तर भारतात दाट धुक्यामुळे वाहतूक व्यवस्था विस्कळीत झाली असून केरळ आणि तामिळनाडू भागात अजूनही हलका पाऊस सुरू आहे. जम्मू-काश्मीरमधील काही ठिकाणीही पावसाची नोंद झाली आहे. नव्या वर्षाची सुरुवात झाली असली तरी देशातील अनेक भागांमध्ये पावसाचा जोर अद्याप ओसरलेला नाही. राज्यातील काही भागांत आजही हलक्या ते मध्यम पावसाची शक्यता हवामान खात्याने वर्तवली आहे.

शनिवारी पहाटे नोएडा ते वाराणसीपर्यंतचा परिसर धुक्याच्या दाट चादरीखाली राहण्याचा अंदाज आहे. राज्यातील अनेक जिल्ह्यांसाठी हवामान विभागाने यलो आणि ऑरेंज अलर्ट जारी केला आहे. पुढील काही दिवसांत तापमानात लक्षवेधी घट होईल आणि थंडीची तीव्रता वाढेल, असा इशाराही देण्यात आला आहे. दोन ते तीन दिवसांत थंडीची लाट राज्यात जाणवण्याची शक्यता वर्तवण्यात आली आहे.

आज राज्यातील बहुतांश भागात कोरडे वातावरण राहील. मात्र विदर्भ आणि मराठवाड्यात काही ठिकाणी अवकाळी पाऊस आणि जोरदार वाऱ्यांची चिन्हे आहेत. पावसाची शक्यता असली तरी सकाळी तापमान कमी राहील आणि थंडीचा जोर कायम राहील. यासोबतच, वाढत्या वायू प्रदूषणाचा प्रश्न चिंताजनक ठरत आहे.

मुंबई आणि दिल्लीतील प्रदूषणाची पातळी गेल्या काही दिवसांत धोकादायक स्तरावर पोहोचली आहे. मुंबईत काल संध्याकाळी आकाशात प्रचंड धुके आणि धूर जाणवत होता. न्यायालयाने आधीच प्रदूषणाविरोधात कठोर भूमिका घेतली आहे, तरीही प्रदूषणात फारसा फरक पडत नाहीये. याचा थेट परिणाम नागरिकांच्या आरोग्यावर होत असल्याचे तज्ज्ञांचे मत आहे.

हवामान खात्याच्या अंदाजानुसार हरियाणा, पंजाब, दिल्ली, चंदीगड, उत्तर प्रदेश, बिहार आणि ओडिशा या राज्यांमध्ये पुढील पाच दिवस भारी धुक्याची शक्यता आहे. तसेच पुढील आठवड्यात हिमाचल प्रदेश, बिहार, पंजाब, दिल्ली, उत्तर प्रदेश आणि राजस्थानमध्ये जोरदार थंडीची लाट येणार आहे. त्यामुळे राज्यातील तापमानातही मोठी घसरण होण्याची शक्यता स्पष्ट दिसत आहे.