मोठा महादेव यात्रेत सुमारे अडीच लाख भाविकांनी दर्शन घेतले

 मोठा महादेव यात्रेत सुमारे अडीच लाख हुन अधिक भाविकांनी देवदर्शन घेतले .

वेगवान मराठी : दिनांक 11 ऑगस्ट : – मारुती जगधने

जातेगाव तालुका नांदगाव येथील मौनगिरी महाराज संत जनार्दन स्वामी यांचे प्रेरणास्थान असलेल्या मोठा महादेव मंदिर परिसरात सोमवारी पारंपरिक वार्षिक यात्रा उत्साहात आणि श्रद्धेच्या वातावरणात पार पडली. यावेळी सुमारे अडीच लाखाहून अधिक भाविकांनी दर्शनासाठी उपस्थिती लावली. दर्शनाची व्यवस्था सुरळीत पार पडावी यासाठी मंदिर समिती, ग्रामपंचायत आणि पोलिस प्रशासनाने काटेकोर नियोजन केले होते.

यात्रेसाठी नांदगाव, मनमाड, मालेगाव, चंदवड, सटाणा, धुळे, जळगाव, नाशिक, औरंगाबाद अशा विविध जिल्ह्यांमधून भाविक मोठ्या संख्येने दाखल झाले. सकाळपासूनच महादेवाच्या गाभाऱ्यात दर्शनासाठी रांगा लागल्या होत्या. दर्शन रांगा सुव्यवस्थित ठेवण्यासाठी स्वयंसेवक, पोलीस व स्थानिक कार्यकर्ते दिवसभर कार्यरत होते.

मंदिर परिसरात प्रसाद, फुलं-माळा, पूजेच्या वस्तू, खेळणी, ग्रामीण हस्तकला, पारंपरिक खाणावळ यांच्या असंख्य दुकानांची रेलचेल होती. भजन, कीर्तन, गोंधळ, व लेझीम पथकांनी वातावरण अधिक भक्तिमय केले.

सुरक्षा व्यवस्थेसाठी पुरेशा पोलिस बंदोबस्तासह सीसीटीव्ही देखरेख ठेवण्यात आली होती. गर्दी असूनही कोणताही अनुचित प्रकार घडला नाही. यात्रेच्या यशस्वी आयोजनात मंदिर समिती, ग्रामपंचायत, पोलीस विभाग व स्थानिक स्वयंसेवी संस्था यांचा मोठा सहभाग होता.

संध्याकाळपर्यंत भाविकांनी महादेवाचे पद्धतशीरपणे दर्शन घेऊन, प्रसाद स्विकारून, समाधानी मनाने घरी परतण्यास सुरुवात केली. यात्रा पूर्णपणे शांततेत व भक्तिभावात संपन्न झाली.यात्रप्रसंगी संत जनार्दन स्वामींचे पट्ट शिष्य शांतिगिरी महाराज यांनी जातेगाव येथे येऊन जातेगाव येथील महादेवाचे मनोभावे दर्शन घेतले त्यानंतर संपूर्ण यात्रा सुरू झाली .

यादरम्यान मंदिराच्या रस्त्यांवरती नांदगाव येथील जनसेवा मंडळ छत्रपती शिवाजी महाराज जनसेवा मंडळाकडून भाविकांना मोठ्या प्रमाणात खिचडी दान करण्यात आली यासोबत विविध सेवा मंडळांनी देखील आपल्या परीने यात्रेकरूंना शिव्या देण्याचे प्रयत्न केले यात्रा शांततेत पार पडले मोठा महादेव म्हणजे जातेगाव येथील महादेव हे संत जनार्दन स्वामी यांचे प्रेरणास्थान आहे त्यामुळे या भागामध्ये नाशिक नगर धुळे नंदुरबार सह मराठवाडा विदर्भ या भागातून भाविक मोठ्या प्रमाणे दर्शनासाठी जातेगाव येथे येत असतात .या दरम्यान पिनाकेश्वर डोंगराच्या पायथ्यापासून ते पिनाकेश्वर मंदिरापर्यंत संपूर्ण रस्ता कॉंक्रिटीकरण झाला असून या रस्त्यामुळे भाविकांना थेट आपली वाहने मंदिरापर्यंत नेता येतात त्यामुळे हा रस्ता सगळ्यांच्या सोयीचा आणि फायदेशीर ठरत आहे .