पांगरी : वहिवाट रस्ता खुला करण्याच्या विभागीय आयुक्तांच्या स्पष्ट निर्देश — मात्र अप्पर जिल्हाधिकारी यांच्या कडून कार्यवाहीसाठी दिरंगाई… ?

वेगवान नाशिक / भाऊसाहेब हांडोरे

सिन्नर दि ; 26 मार्च 2026 —  *गेल्या काही दिवसापासून न्याय व हक्कासाठी लढणाऱ्या शेतकऱ्यांचा जीव आता टांगणीला पडला असून उपोषणकर्त्यांची तात्पुरती अंमलबजावणी करून त्यांना ठोस निर्णय न देता फक्त मलमपट्टी करून समाधान केले जात असल्याचा आरोप बाधित शेतकऱ्यांनी केला आहे. उपोषणासह संबंधित विभाग व कार्यालयामार्फत योग्य ते कागदपत्राची पूर्तता व पाठपुरावा करूनही न्याय मिळत नसलेल्या हतबल झालेल्या शेतकऱ्यांना मात्र नव्याने अप्पर जिल्हाधिकारी यांनी दिलेल्या स्पष्ट निर्देशाने  आशा पल्लवित झाल्या आहेत या निर्णयाची  अंमलबजावणी .व कार्यवाही करणे    अप्पर जिल्हाधिकारी यांना बंधनकारक असली तरी या कार्यवाहीला दिरंगाई होत असल्याचा आरोप शेतकऱ्यांनी केला आहे.

                 दि. 23 मार्च रोजी विभागीय आयुक्तांचे निर्देश – वहिवाटी रस्ता खुला करण्याबाबत अप्पर जिल्हाधिकाऱ्यांकडून कारवाईची प्रतीक्षा*….. !
शेतकऱ्यांच्या दैनंदिन शेतीकामासाठी अत्यंत महत्त्वाचा असलेला वहिवाटी रस्ता अद्यापही बंद असल्यामुळे परिसरातील शेतकरी मोठ्या अडचणीत सापडले आहेत. या गंभीर समस्येची दखल घेत विभागीय आयुक्तांनी दिनांक 23 मार्च रोजी संबंधित प्रकरणात अप्पर जिल्हाधिकाऱ्यांना आवश्यक ती कार्यवाही करण्याचे स्पष्ट निर्देश दिले होते.
दरम्यान, या प्रकरणासंदर्भात दिनांक 25 मार्च 2026 रोजी सुनावणी पार पडली. मात्र, सुनावणी होऊनही अद्याप कोणताही ठोस निर्णय जाहीर करण्यात आलेला नाही. त्यामुळे शेतकऱ्यांना अपेक्षित दिलासा मिळालेला नाही.
वहिवाटी रस्ता बंद असल्यामुळे शेतकऱ्यांना त्यांच्या शेतात जाण्यास, शेतीमाल वाहतूक करण्यास तसेच दैनंदिन शेती कामे पार पाडण्यास मोठ्या अडचणी निर्माण होत आहेत. या परिस्थितीमुळे आर्थिक नुकसान होण्याचीही भीती व्यक्त केली जात आहे.
विशेष म्हणजे, विभागीय आयुक्तांच्या स्पष्ट निर्देशांनंतरही संबंधित प्रशासनाकडून तातडीने कारवाई झालेली नसल्याचे दिसून येत आहे. त्यामुळे शेतकरी वर्गात नाराजीचे वातावरण निर्माण झाले आहे.
या पार्श्वभूमीवर, प्रशासनाने शेतकऱ्यांच्या अडचणींचा विचार करून तातडीने निर्णय घ्यावा व संबंधित वहिवाटी रस्ता खुला करून शेतकऱ्यांना दिलासा द्यावा, अशी मागणी जोर धरत आहे.

Pangri: Divisional Commissioner Issues Clear Directives to Clear Customary Road — Yet, Delay in Action by Additional District Collector…?