नाशिक ग्रामीणचे मनमाड शहर पोलीस अ‍ॅक्शन मोडवर

वेगवान नाशिक/Nashik/नाशिक,अविनाश  पारखे, मनमाड,नांदगाव,दि.31 ऑक्टोबर-

विधानसभा निवडणूक 2024 च्या पार्श्‍वभूमीवर मनमाड शहर पोलीस ठाणे जि.नाशिक ग्रामीण च्या वतीने प्रेसनोट जारी करण्यात आली आहे.आदर्श आचारसंहिता पालन होण्याच्या दृष्टीने करण्यात येणार्‍या व्यवस्थेबाबत माहिती तसेच नागरिकांनी सहकार्य करण्याचे आवाहन पुढीलप्रमाणे केले आहे.

सार्वत्रिक विधानसभा निवडणुक 2024 च्या अनुषंगाने कायदा व सुव्यवस्था अबाधित राहणेकरीता मा.निवडणुक आयोगाच्या निर्देशानुसार आदर्श आचारसंहितेचे पालन होणे आवश्यक आहे. निवडणुक आचारसंहिता कालावधीत आदर्श आचारसंहितेचे पालन होणेकरीता अभिलेखावरील (रेकॉर्डवरील) सराईत गुन्हेगार यांचेवर प्रतिबंधक कारवाई प्रभावीपणे करण्यात येत आहे.

शहरात व मतदारसंघात वेगवेगळ्या ठिकाणी नाकाबंदी सुरू असून निवडणुकीत इतर बाबींचा गैरवापर होणार नाही याकरीता वाहन तपासणी व संशयास्पद ठिकाणे तपासणी सुरू करण्यात आलेली आहे.

SST पॉईंट- मालेगाव नाका,मनमाड येथे दिवस, रात्र वाहन तपासणी करण्यात येत आहे.वाहन तपासणी दरम्यान वाहनाचा सर्व तपशील, परवाना व सदर वाहनाचा गैरवापर होणार नाही याकरीता सतर्कतेने तपासणी करण्यात येत आहे.

रात्रीच्या वेळी ऑलआऊट ऑपरेशन राबवून रेकॉर्डवरील गुन्हेगार,पाहीजे व फरार आरोपी शोध मोहीम राबवून मिळून आल्यास कायदेशीर कारवाई करण्यात येत आहे.

अटक आरोपी यांचेवर प्रभावीपणे प्रतिबंधक कारवाई व तसा बॉण्ड घेण्यात येत आहे.

शहरातील हॉटेल,लॉजेसची तपासणी करून मतदार संघाबाहेरील असामाजिक तत्वे व रेकॉर्डवरील गुन्हेगार तेथे थांबणार नाहीत व निवडणुक प्रक्रिया प्रभावीत होणार नाही याची विशेष काळजी घेण्यात येत आहे.

कोणत्याही वाजवी कारणाशिवाय अवेळी किंवा मध्यरात्रीनंतर फिरणारे व निवडणुक प्रक्रिया प्रभावीत करू पाहणारे लोकांची माहिती काढून संबंधितांना निवडणूक कालावधीत मतदारसंघाबाहेर घालवून देण्याकरीता कायदेशीर कारवाई होणेकरीता मा.प्रांताधिकारी,येवला व मा. अपर पोलीस अधीक्षक,मालेगाव यांना प्रस्ताव सादर करण्यात येत आहेत.

अवेळी व कोणत्याही वाजवी कारणाशिवाय फिरणारे व आदर्श आचारसंहितेच्या नियमांचे पालन न करणारे लोक आणि पोलीस अधिकारी यांनी वेळोवेळी दिलेले निर्देशाचे पालन न करणारे लोकांना प्रसंगी ताब्यात घेण्याकरीता कायदेशीर कारवाई करण्यात येत आहे.

नांदगाव मतदार संघातील सर्व मतदारांना व निवडणुक प्रक्रियेशी संबंधीत सर्व लोकांना आदर्श आचारसंहितेचे पालन करून विधानसभा निवडणुक ही शांततेच्या सुरक्षीत वातावरणात होणेकरीता सहकार्य करण्याचे आवाहन करीत आहोत.

अविनाश पारखे

Shri.Avinash Parkhe

Working with Wegwan Nashik since 2019..As a freelance reporter I always try to clear out the both sides. Always stand for what is right…what is truth…