अखिल भारतीय कुर्मी (मराठा – कुणबी) क्षञिय महासभेचे राज्यस्तरीय अधिवेशनास केंद्रीय अर्थ राज्यमंत्री पंकज चौधरी यांची उपस्थिती !
उत्तम गायकर/ वेगवान नाशिक
अखिल भारतीय कुर्मी (मराठा – कुणबी) क्षत्रिय महासभेचे महाराष्ट्र राज्य अधिवेशन येत्या ६ ऑक्टोबर रोजी दुपारी ४ वाजता छत्रपती संभाजी नगर येथे संपन्न होत आहे.
या अधिवेशनासाठी केंद्रीय अर्थ राज्यमंत्री पंकज चौधरी, कुर्मी महासभेचे राष्ट्रीय अध्यक्ष डॉ. व्ही.एस.निरंजन, राष्ट्रीय महासचिव उमेश कुमार पटेल, राष्ट्रीय महिला अध्यक्षा लता ऋषी चंद्रकार, राष्ट्रीय संरक्षक एल.पी. पटेल, राष्ट्रीय युवा अध्यक्ष धीरज पाटीदार तसेच मराठा सरदार लखुजी जाधव यांचे वंशज शिवाजी राजे जाधव, खासदार संदीपान भुमरे, खासदार डॉ. कल्याणजी काळे, आमदार सतीश चव्हाण यांची विशेष उपस्थिती असणार आहे.
या अधिवेशनात देशभरातून ३०० च्या वर पदाधिकारी उपस्थित राहणार असून या अधिवेशनात विविध क्षेत्रात उल्लेखनीय कामगिरी करणाऱ्या मराठा – कुणबी बांधवांना “कुर्मीभूषण” पुरस्कार देऊन मान्यवरांच्या हस्ते गौरविण्यात येणार असल्याचे महासभेचे प्रदेशाध्यक्ष संजय पाटील यांनी सांगितले.तर राज्यातील विविध क्षेत्रात उल्लेखनीय कार्य करणाऱ्या १५ मान्यवरांचा कुर्मीभूषण पुरस्कार देऊन होणार सन्मान करण्यात येणार आहे .
देशपातळीवर कुर्मी क्षत्रिय समाज बांधवांची संस्कृती, शिक्षण, शेती, उद्योग, व्यापार, अर्थकारण मजबुत करण्यासाठी समाजातील सर्व घटकांना एकञीत घेवून अखिल भारतीय कुर्मी क्षत्रिय महासभा काम करीत आहे.
छत्रपती संभाजीनगर येथे होणाऱ्या राज्य अधिवेशनामध्ये या सर्व विषयांच्या अनुषंगाने समाजाच्या सर्वांगीण उन्नतीच्या दृष्टीने मार्गदर्शन करण्यात येणार असुन राज्यस्तरीय अधिवेशनास उपस्थित राहण्याचे आवाहन अखिल भारतीय कुर्मी क्षत्रिय महासभेच्या सामाजिक व सांस्कृतिक विभागाचे राष्ट्रीय संयोजक शाहीर उत्तम गायकर यांनी केले आहे.
