नागरिकांच्या गरजा लक्षात घेऊन विकास कामांना प्राधान्य देणार – मंत्री छगन भुजबळ
वेगवान नाशिक/ एकनाथ भालेराव
येवला,दि.२2 सप्टेंबर :- नागरिकांच्या मूलभूत गरजा लक्षात घेऊन विकास कामे प्राधान्याने केली जातील असे प्रतिपादन राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी केले.
मंत्री भुजबळ यांच्या हस्ते आज येवला तालुक्यातील सावरगाव, खिर्डीसाठे, नगरसुल, धामणगाव येथील विविध विकासकामांचे भूमिपूजन व लोकार्पण संपन्न झाले. यावेळी आयोजित कार्यक्रमात ते बोलत होते.
यावेळी उपविभागीय अधिकारी बाबासाहेब गाढवे, उपविभागीय अभियंता किरण जाधव, वैद्यकीय अधिकारी डॉ.कुलदीप बागल,नायब तहसीलदार विवेक चांदवडकर, तालुका कृषी अधिकारी शुभम बेरड, माजी जिल्हा परिषद अध्यक्ष राधाकिसन सोनवणे, येवला बाजार समितीच्या सभापती सविता पवार, येवला विधानसभा अध्यक्ष वसंत पवार, जलचिंतन सेलचे जिल्हाध्यक्ष मोहन शेलार, मकरंद सोनवणे, सचिन कळमकर, सरपंच मंदाकिनी पाटील, लंकाबाई मुंढे, कोमल पवार, चंद्रकला ठाकरे, निकेत पाटील,भरत नागरे,सुनील मोरे, मंगेश भगत, अशोक पाटील, अमोल येवले, सुनील पैठणकर, सतीश पैठणकर, ज्ञानेश्वर वाळुंज, अशोक कुळधर, प्रकाश बागल, विजय खैरनार, गणेश गवळी यांच्यासह पदाधिकारी व ग्रामस्थ उपस्थित होते.
मंत्री छगन भुजबळ म्हणाले की, आज भूमिपूजन झालेली कामे जलद गतीने सुरू करून दर्जेदार केले जातील. रस्त्यांची कामेही येत्या सहा महिन्याच्या पूर्ण केले जाणार आहेत. तालुक्यातील ममदापूर येथील बंधाऱ्याच्या कामास वनविभागाकडून मंजूर मिळाली असून आठवडाभरात या कामाचे भूमिपूजन होऊन काम सुरू होईल. खिर्डीसाठे येथील पाण्याचा प्रश्न महत्त्वाचा असून डोंगरगाव पोहोच कालव्यातून पोटचारीद्वारे पाणी आणण्यासाठी याबाबत अधिकारी यांना पाहणी व अभ्यास करावयास सांगून हा प्रश्न सोडवला जाईल. राजापूर व ४१ गांवे प्रादेशिक पाणीपुरवठा योजना, धुळगावसह १७ गावे व येवला 38 गांवे प्रादेशिक पाणी पुरवठा योजनेद्वारे येणाऱ्या काळात प्रत्येक गावात पाणी उपलब्ध होणार होणार असल्याचे मंत्री मंत्री छगन भुजबळ यांनी यावेळी सांगितले.
मंत्री छगन भुजबळ पुढे म्हणाले, येवला तालुक्यात साडे चार एकर क्षेत्र शिवसृष्टी प्रकल्पाचे काम प्रगतीपथावर सुरू आहे. उद्या 22 सप्टेंबर रोजी छत्रपती शिवाजी महाराज यांचा पुतळा आणला जाऊन या पुतळ्याची अंगणगाव येथून मिरवणूक निघणार आहे. या मिरवणुकीस नागरिकांनी मोठ्या संख्येने सहभागी व्हावे. तसेच 2 ऑक्टोबर रोजी प्रकल्पाच्या पहिल्या टप्प्याचे लोकार्पण होत आहे. या कार्यक्रमासाठी नागरिकांनी उपस्थित रहावे असे आवाहन मंत्री छगन भुजबळ यांनी यावेळी केले.
*या कामांचे झाले भूमिपूजन व लोकार्पण*
*सावरगाव*
१.मुख्यमंत्री ग्राम सडक योजना टप्पा-२ (बॅच १) संशोधन व विकास अंतर्गत रा म मा ०८ ते अनकुटे, कुसुर रेल्वे स्टेशन रस्ता, लांबी ५.२०० किमी रस्त्याचे भूमिपूजन (र.रु.५०२.०३ लक्ष)
२. आमदार स्थानिक विकास निधीतून सावगाव बस थांबाचे लोकार्पण
*खिर्डीसाठे*
मुख्यमंत्री ग्राम सडक योजना टप्पा-२ (बॅच १) संशोधन व विकास अंतर्गत नगरसुल ते खिर्डीसाठे रस्ता , लांबी ७.२०० किमी रस्त्याचे भूमिपूजन (र.रु.७७७.२७ लक्ष)
*नगरसूल*
१.पुरवणी अर्थसंकल्प अंतर्गत अनकाई कुसमाडी नगरसूल अंदरसूल पिंपळगांव जलाल रोड रामा ४५१ किमी ४०/०० ते ४५/०० ची सुधारणा करणे कामाचे भूमिपूजन (र.रु.५०० लक्ष)
२.ग्रामीण रुग्णालय नगरसूल निवासस्थाने दुरुस्ती कामाचे भूमिपूजन (र.रु.३०० लक्ष)
*धामणगाव*
१.मुख्यमंत्री ग्राम सडक योजना टप्पा-२ (बॅच १) संशोधन व विकास अंतर्गत रा म मा ०२ ते धामणगाव रस्ता , लांबी ३.३९० किमी रस्त्याचे भूमिपूजन (र.रु.३६८.६० लक्ष)
2.महादेववाडी रस्ता सुधारणा करणे कामाचे भूमिपूजन (र.रु.३० लक्ष)
3.पालखेड डावा कालवा धामणे नाला एस्केप गेट चे भूमिपूजन करणे (र.रु.१० लक्ष)
वेगवान ऑनलाईनमध्ये येवला तालुका प्रतिनिधी म्हणून कार्यरत. २४ वर्षांपूर्वी वृत्तपत्रातून पत्रकारितेची सुरुवात. गांवकरी, देशदूत,, पुण्यनगरी,लोकमत पत्रकार म्हणून काम. २०१४ पासून वेगवान न्यूज, वेगवान न्यूज येवला प्रतिनिधी म्हणून काम पाहत आहे. राजकारण, टेक, क्राईम,शेती, उद्योग, खेळ,बीजनेस विषयातील बातम्यांमध्ये
