देवळा : एकात्मिक बाल विकास सेवा योजना प्रकल्प देवळा कार्यालयाअंतर्गत कार्यरत रिक्त असणा-या अंगणवाडी मदतनीस पदांची भरती प्रक्रिया होणार आहे. पात्र उमेदवारानी या पदासाठी अर्ज करावेत, असे आहवान देवळा प्रकल्पाचे बाल विकास प्रकल्प अधिकारी जयश्री नाईक यांनी केले आहे.
अंगणवाडी मदतनीस पदासाठीची किमान शैक्षणिक अर्हता बारावी उतीर्ण उमेदवार असावा. वय १८ वर्षे ते ३५ वर्षे दरम्यान असुन विधवा महिलांसाठी कमाल वयोमर्यादा ४० वर्षे राहणार आहे. उमेदवार हा त्याच महसुली गावाचा रहिवासी असावा. इच्छुक व पात्र गरजु महिला उमेदवारानी अर्ज २२ ऑगस्ट २०२४ ते ४ सप्टेबर मार्च २०२४ या दरम्यान कार्यालयीन दिवशी व वेळेत करावेत.
खालील दिलेल्या अंगणवाडी केंद्र निहाय ४ अंगणवाडी रिक्त पद असणा-या अंगणवाडी मदतनीस पदासाठी भरती प्रक्रिया राबविली जाणार आहे. अर्जदार उमेदवारांनी अधिक माहितीसाठी संबधित ग्रामपंचायत कार्यालय अथवा प्रकल्प कार्यालयाशी संपर्क साधावा.
ग्रामपंचायतीचे नाव : सावकी – आदिवासी वस्ती व पवार वस्ती, सुभाष नगर आणि श्रीरामपूर येथे प्रत्येकी एक रिक्त जागा भरण्यात येणार असल्याची माहिती नाईक यांनी दिली.
