देवळा : देवळा येथील ज्ञानेश्वर नगर (वाखारी रोड) मध्ये दि. १८ जुलै रोजी भर दिवसा झालेल्या घरफोडीतील आरोपीला पकडण्यात देवळा पोलिसांना यश मिळाले असून, त्याला बुधवारी पहाटे चार वाजता अटक करण्यात आली आहे.
देवळा येथील ज्ञानेश्वर नगर (वाखारी रोड) परिसरात राहणारे आदेश बोअर वेलचे संचालक आदेश ठाकरे यांच्या बंगल्यात दि. १८ जुलै रोजी सकाळी ९ वाजेच्या सुमारास घरफोडी झाली होती. यात रोख दीड लाख रुपये व १५ तोळे सोने असा सुमारे १२ लाख रुपयांचा मुद्देमाल चोरट्याने हडप केला आहे. चोरटा सीसीटीव्ही कॅमेऱ्यात कैद झाला होता. तपास कामी तसेच घटनास्थळी नाशिक हुन फिंगर प्रिंट व डॉग पथकाला देखील पाचारण करण्यात आले होते .
देवळा पोलिसांनी आरोपीला शोधण्यासाठी कसून चौकशी सुरू केल्यावर त्याला नंदुरबारला पकडण्यात आले. आरोपी मूळचा हरियाणा राज्यातील असून ,तो नंदुरबारला वास्तव्यास असल्याची माहिती पोलिसांनी दिली असून, त्याला आज बुधवारी दि. ३१ रोजी पहाटे चार वाजता अटक करण्यात आली आहे. आरोपीने त्याच्याकडील मुद्देमाची दिल्लीत विक्री केल्याची माहिती मिळाली असून, पुढील चौकशी कामी त्याला आज न्यायालयात हजर केेलेे असता दि.७ प्रयत्न पोलीस कोठडी सुनावण्यात आली आहे. धाडसी घरफोडी करणाऱ्या आरोपीला शोधण्यात देवळा पोलिसांना यश मिळाल्याने पोलिसांचे सर्वत्र कौतुक केले जात आहे.
गेल्या पंधरा वर्षांपासून पत्रकारिता क्षेत्रात कार्यरत आहे. देशदूत, लोकमत, आपलं महानगर, नवराष्ट्र, वेगवान न्यूज, कसमादे मीडिया, माय महानगर, नाशिक सिटी न्युज, जागर जनस्थान, इंडिया दर्पण, बी.टी.एल. न्यूज मराठी इत्यादी ठिकाणी पत्रकार म्हणून काम केल्याचा अनुभव आहे. मुख्यतः राजकारण, शेती, क्राईम, विषयातील बातम्यांमध्ये हातखंडा.
