एफडी नंतर आता 2020 नंतरच्या विमाधारकांचा जीव टांगणीला 

वेगवान नाशिक/Nashik/अविनाश पारखे, मनमाड,नांदगाव,दि.10 जून-

युनियन बँक,मनमाड शाखेत अलीकडेच झालेल्या कोट्यावधी रुपयांच्या एफडी घोटाळ्यानंतर आणखी एक नवीन घोटाळा उघडकीस आला आहे.

एफडी घोटाळ्यातील मुख्य संशयित असिस्टंट रिलेशन मॅनेजर संदीप देशमुख हा युनियन बँकेच्या संलग्न असलेल्या विमा कंपनीचा प्रतिनिधी म्हणून मनमाड शाखेत सन 2020 पासून कार्यरत आहे. बनावट शिक्के व काही कागदपत्रे बनवून करोडो रुपयांच्या एफडीच्या घोटाळ्यात त्याने सामान्य नागरिकांना चुना लावला आहे.

तो आता न्यायालयीन कोठडीत आहे,तोच आता नव्याने त्याचा आणखी एक घोटाळा उघडकीस आहे.

1 जानेवारी 2020 पासून 2024 पर्यंतच्या कालावधीत कित्येक नागरिकांनी युनियन बँकेशी संलग्न असलेल्या स्टार युनियन दाय इची विमा कंकंपनीमध्ये बॅंकेच्या माध्यमातून आरोग्य विमा काढलेला होता.या विम्याच्या रकमा कंपनीत न भरता त्याचा अपहर केला आहे असा संशय निर्माण झाला आहे.त्यामुळे या विमा कंपनीने त्याच्या विरोधात पोलिसात तक्रार दिली असल्याचे समजते.

सुमारे 76 लाख रुपयांचा हा घोटाळा असल्याची शक्यता वर्तविण्यात येत आहे.

याबाबत पोलिसांनी पोलीस निरीक्षक प्रमोद सरोवर हे अधिक तपास करत आहेत.

त्यामुळे एफडी नंतर आता नव्याने हा विमा घोटाळा समोर आल्याने मनमाड शहरातील युनियन बँक आणि त्याच्याशी संबंधित असलेले खातेदार, ठेवीदार,नागरिक यांचा जीव टांगणीला लागला आहे.

आमदार,खासदार,नवनिर्वाचित खासदार यांनी याप्रकरणी गंभीर आणि दखल घेऊन नागरिकांना न्याय मिळावा असे प्रयत्न सुरू केले आहेत. याचबरोबर पोलिसांना देखील हा घोटाळा सोडविण्याचे आव्हान आहेच.

त्यामुळे याप्रकरणी बँकेचे ठेवीदार,खातेदार आणि सामान्य नागरिक यांना कसा न्याय मिळेल? हे अलीकडच्या काळातच कळेल.

अविनाश पारखे

Shri.Avinash Parkhe

Working with Wegwan Nashik since 2019..As a freelance reporter I always try to clear out the both sides. Always stand for what is right…what is truth…