रडीचा डाव खेळणाऱ्याला नियती माफ करत नाही
खासदार भगरे यांनी भाजपाचे टोचले कान

वेगवान नाशिक/Nashik/अविनाश पारखे, मनमाड,नांदगाव,दि.4 जून –
लोकसभा 2024 च्या निवडणुकीत दिंडोरी या मतदारसंघातून भारती पवार आणि भास्कर भगरे यांची समोरासमोर लढत होती.
भारती पवार या दोन वेळा भाजपच्या खासदार राहिले आहेत तर हरिश्चंद्र चव्हाण यांच्या माध्यमातून भाजपच्या हाती दिंडोरी मतदार संघ केंद्रात प्रतिनिधित्व करत होता.
मात्र दोनही खासदारांकडून मतदार संघात विशेष काही कामगिरी झालेली दिसली नाही.परिणामी जनतेमध्ये त्यांच्याबद्दल नाराजी पसरलेली होती. विशेष करून कोरोना सारख्या महामारीच्या काळात केंद्रीय आरोग्य राज्यमंत्री असताना देखील मतदार संघामध्ये भरीव अशी कोणतीही कामगिरी किंवा कार्य दिसून आले नसल्याचे नागरिकांनी कित्येक वेळा बोलून दाखविले.
तसेच मतदारसंघातील इतरही विकास कामांच्या बाबतीत कोणतेही ठोस विकास कामे दिसली नाहीत.विशेष करून कांदा उत्पादक शेतकरी मोठ्या प्रमाणात असताना देखील कांद्याच्या बाबतीत वेळोवेळी शासनाने घेतलेल्या निर्णयांच्या बाबतीत शेतकऱ्यांनी मोठ्या प्रमाणात आवाज उठविलेला असताना सुद्धा एक खासदार प्रतिनिधी म्हणून केंद्रात कोणतेही ठोस कार्य केले नव्हते. तरीही भाजपाकडून 2024 च्या लोकसभेसाठी भारती पवार यांना तिकीट दिले गेले.
नांदगाव तालुक्यातून आमदार सुहास कांदे यांच्या पुढाकाराने भारती पवार यांना चांगला लीड मिळाला. सूत्रांकडून मिळालेल्या माहितीनुसार नांदगाव विधानसभेतून 103001 एव्हढे मताधिक्य मिळाले असल्याचे समजते.
राष्ट्रवादी काँग्रेसचे शरदचंद्र पवार यांनी जनतेच्या प्रश्नांची जाणीव ठेवून सर्वसामान्य कुटुंबातील शिक्षक मतदाराला खासदारकीचे तिकीट देऊन जनतेला आश्चर्यचकित केले.जनतेने खासदार पदासाठी राष्ट्रवादी काँग्रेस शरदचंद्र पवार आणि महाविकास आघाडीचे उमेदवार श्री.भास्कर भगरे सर यांना मताधिक्याने निवडून दिले.
या निवडणुकीत भाजपाने बाबू भगरे नावाच्या नाशिक मधील व्यक्तीला उभे करून तिसरी पास असलेल्या उमेदवारासमोर कंसामध्ये सर लिहिले. या बाबू सदू भगरे नावाच्या उमेदवारास नामसाधर्म्यमुळे चांगली मते मिळाली.
सारख्या नावाचे उमेदवार देऊन भाजपाने रडीचा डाव खेळला.मात्र रडीचा डाव खेळणाऱ्याला नियती माफ करत नाही अशा शब्दात खासदार भास्कर भगरे सर यांनी भाजपाचे कान टोचले.

Shri.Avinash Parkhe
Working with Wegwan Nashik since 2019..As a freelance reporter I always try to clear out the both sides. Always stand for what is right…what is truth…