मंत्री छगन भुजबळ यांच्याकडून पावसाळी पूर्व कामांची पाहणी

वेगवान /नाशिक /एकनाथ भालेराव

येवला,दि.३१ मे 2024/….येवला शहरातील नालेसफाईसह पावसाळी पूर्व कामे तातडीने पूर्ण करण्यात येऊन येवला शहरात पूर परिस्थिती निर्माण होणार नाही याची दक्षता घ्यावी अशी सूचना राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी येवला नगरपालिकेच्या संबंधित अधिकाऱ्यांना केल्या.

मंत्री छगन भुजबळ यांनी आज येवला शहरातील सुरू असलेल्या नालेसफाईसह पावसाळी पूर्व कामांची पाहणी केली. यावेळी त्यांनी नगरपालिकेच्या संबंधित अधिकाऱ्यांना सूचना केल्या.

यावेळी विधानसभा अध्यक्ष वसंत पवार, कार्याध्यक्ष ज्ञानेश्वर शेवाळे, मोहन शेलार, मकरंद सोनवणे, भाऊसाहेब धनवटे, संतोष खैरनार, सचिन सोनवणे, भूषण लाघवे, सुमित थोरात यांच्यासह पदाधिकारी व कार्यकर्ते उपस्थित होते.

येवला शहरात पूर परिस्थिती निर्माण होऊ नये यासाठी मंत्री छगन भुजबळ यांनी नगरपालिकेच्या अधिकाऱ्यांना पावसाळी पूर्व कामे पूर्ण करण्याचे सूचना केलेल्या होत्या. त्यानुसार आज मंत्री छगन भुजबळ यांनी सुरू असलेल्या कामाची प्रत्यक्ष पाहणी केली. यावेळी नालेसफाईसह सुरू असलेल्या कामांची पाहणी करून सबंधित अधिकाऱ्यांना त्यांनी सूचना केल्या.

मंत्री छगन भुजबळ यांच्याकडून शिवसृष्टी प्रकल्पाच्या कामाची पाहणी

छत्रपती शिवाजी महाराज यांच्या जीवनावर आधारित भव्यदिव्य असा शिवसृष्टी प्रकल्प येवला शहरात साकारण्यात येत आहे. आज राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी याठिकाणी सुरू असलेल्या कामाची पाहणी केली. तसेच येथील कामाला अधिक गती देऊन काम वेळेत पूर्ण करण्याच्या सूचना त्यांनी संबंधितांना दिल्या.

एकनाथ भालेराव

वेगवान ऑनलाईनमध्ये येवला तालुका प्रतिनिधी म्हणून कार्यरत. २४ वर्षांपूर्वी वृत्तपत्रातून पत्रकारितेची सुरुवात. गांवकरी, देशदूत,, पुण्यनगरी,लोकमत पत्रकार म्हणून काम. २०१४ पासून वेगवान न्यूज, वेगवान न्यूज येवला प्रतिनिधी म्हणून काम पाहत आहे. राजकारण, टेक, क्राईम,शेती, उद्योग, खेळ,बीजनेस विषयातील बातम्यांमध्ये