वेगवान नाशिक
नाशिक, ता. 29 एप्रिल 2024 – Nashik news जुन्या वादातून अशोकनगर राज्य सरकारी कर्मचारी वसाहत परिसरात दोन मित्रांना टोळक्याने मारहाण झाल्याची घटना घडली. या घटनेत धारदार शस्त्रांनी वार केल्याने दोन मित्र गंभीर जखमी झाले आहेत. याप्रकरणी सातपूर पोलिस ठाण्यात खुनाच्या प्रयत्नाचा गुन्हा दाखल करण्यात आला आहे.
सचिन अहिर आणि त्याचे दोन साथीदार अशी संशयित हल्लेखोरांची नावे आहेत. याप्रकरणी विजय विठ्ठल शिंदे (२८, गुलमोहर कॉलनी, ध्रुवनगर) यांनी फिर्याद दिली आहे. विजय शिंदे आणि राम मनोहर पाटील हे दोन मित्र शनिवारी सायंकाळी अशोकनगर परिसरात गेले असता ही घटना घडली.
राज्य सरकारी कर्मचारी वसाहतीतील खंडेरव मंदिर परिसरात संशयितांनी दोन्ही मित्रांशी संपर्क साधला. या वेळी संशयितांनी जुन्या वादाचे रूपांतर वादात करून त्यांच्यावर धारदार चाकूने हल्ला केला. या घटनेत दोघे मित्र गंभीर जखमी झाले असून त्यांच्यावर सध्या उपचार सुरू आहेत. पुढील तपास पोलिस उपनिरीक्षक रोहित गांगुर्डे करीत आहेत.
