वेगवान नाशिक
नवी दिल्लीः तुम्ही सुकन्या समृद्धी योजना , सार्वजनिक भविष्य निर्वाह निधी, राष्ट्रीय बचत प्रमाणपत्र आणि किसान विकास पत्र यांसारख्या लहान बचत योजनांमध्येही पैसे गुंतवत असाल तर तुमच्यासाठी एक आनंदाची बातमी आहे. रिझव्‍‌र्ह बँकेने या वर्षी रेपो दरात मोठी वाढ केल्यानंतर सरकार अल्पबचत योजनांचे व्याजदर वाढवण्याची शक्यता आहे.
आजचे राशी भविष्यः या राशीच्या लोकांचा कळत न कळत वाद होईल, सावध रहा
सरकारला 2022 च्या अखेरीस छोट्या बचत योजनांच्या व्याजदरांमध्ये सुधारणा करायची असून जानेवारी-मार्च 2023 तिमाहीचे व्याजदर सरकार ठरवणार आहे. लहान बचत योजनांचा उद्देश सामान्य लोकांना बचत करण्यास प्रोत्साहित करणे आहे. त्यात लहान बचत योजनांच्या तीन श्रेणी आहेत – बचत योजना, सामाजिक सुरक्षा योजना आणि मासिक कमाई योजना.
बचत योजना श्रेणीमध्ये 1-3 वर्षांची मुदत ठेव आणि 5 वर्षांची आवर्ती ठेव समाविष्ट आहे. याशिवाय नॅशनल सेव्हिंग सर्टिफिकेट आणि किसान विकास पत्र यासारख्या बचत प्रमाणपत्रांचाही यामध्ये समावेश आहे. तसेच सामाजिक सुरक्षा योजनांमध्ये सार्वजनिक भविष्य निर्वाह निधी , सुकन्या समृद्धी योजना आणि ज्येष्ठ नागरिक बचत योजना यांचा समावेश होतो. तर मासिक उत्पन्न बचतीमध्ये मासिक उत्पन्न योजनेचा समावेश होतो.
Gold Silver Price Today सोने चांदीच्या दरात घसरण, नवीन दर तपासा
दरम्यान लहान बचत योजनांवरील व्याजदर दर तिमाहीत सुधारित केले जातात. चालू तिमाहीसाठी, सरकारने किसान विकास पत्र, ज्येष्ठ नागरिक बचत योजना, मासिक उत्पन्न योजना आणि 2 ते 3 वर्षांसाठी बचत योजनांचे व्याज 10-30 आधार अंकांनी म्हणजे 0.10 ते 0.30 टक्क्यांनी वाढवले आहे. त्याच वेळी, पीपीएफ, बचत योजना, राष्ट्रीय बचत प्रमाणपत्र आणि सुकन्या समृद्धी योजनेच्या व्याजदरांमध्ये कोणताही बदल झालेला नाही.
तर गुंतवणूकदारांना पाच वर्षांच्या आवर्ती ठेवीवर ५.८ टक्के व्याज मिळत आहे. राष्ट्रीय बचत प्रमाणपत्र आणि सुकन्या समृद्धी योजनेत गुंतवणूक केलेल्या गुंतवणूकदारांना अनुक्रमे 6.8 टक्के आणि 7.6 टक्के व्याज दिले जात आहे. तसेच पीपीएफमध्ये गुंतवलेल्या पैशावर ७.१ टक्के व्याज मिळत आहे.
राज्यपालांचे त्या वक्तव्यावरून अमित शहांना पत्र
