या बँकेच्या ग्राहकांना मोठा झटका, सर्व प्रकारची कर्जे होणार महाग

वेगवान नाशिक

नवी दिल्लीः 7 डिसेंबर रोजी रिझर्व्ह बँकेने रेपो दरात 0.35 टक्क्यांनी वाढ करण्याची घोषणा केली असून या रेपो दरात वाढ केल्यानंतर बँकांनी मार्जिनल कॉस्ट बेस्ड लेंडिंग रेट म्हणजेच MCLR वाढवण्यास सुरुवात केली आहे. एचडीएफसी बँक, बँक ऑफ इंडिया आणि इंडियन ओव्हरसीज बँकेनंतर आता सार्वजनिक क्षेत्रातील बँक ऑफ बडोदाने आपल्या ग्राहकांना मोठा धक्का दिला आहे.

आजचे राशी भविष्यः या राशीच्या लोकांना प्रेमामध्ये यातना सहन कराव्या लागण्याची शक्यता

बँक ऑफ बडोदाने वेगवेगळ्या कालावधीतील MCLR 25 ते 30 बेसिस पॉइंट्स म्हणजेच 0.25 ते 0.30 टक्क्यांनी वाढवला आहे. आता बँकेकडून कर्ज घेणे महाग होणार आहे. बँकेचे नवीन दर 12 डिसेंबर 2022 पासून लागू होतील. तसेच बँकेने एक वर्षाचा MCLR 0.25 टक्क्यांनी वाढवून 8.30 टक्के केला आहे. आतापर्यंत तो 8.05 टक्के होता. एक महिन्याचा MCLR 0.25 टक्क्यांनी वाढवून 7.95 टक्के करण्यात आला आहे. तीन महिन्यांचा MCLR 0.30 टक्क्यांनी वाढवून 8.05 टक्के करण्यात आला आहे. 6 महिन्यांचा MCLR 0.25 टक्क्यांनी वाढवून 8.15 टक्के करण्यात आला आहे आणि एक दिवसाचा MCLR 0.25 टक्क्यांनी वाढवून 7.50 टक्के करण्यात आला आहे.

या 5 शेअर्सने गुंतवणूकदारांना 10 वर्षात दिला जबरदस्त परतावा

तसेच MCLR वाढल्याने मुदत कर्जावरील EMI वाढण्याची अपेक्षा आहे. बहुतेक ग्राहक कर्जे एका वर्षाच्या किरकोळ खर्चावर आधारित कर्जदरावर आधारित असतात. अशा परिस्थितीत MCLR वाढल्यामुळे वैयक्तिक कर्ज, वाहन आणि गृह कर्ज महाग होऊ शकते.

SBI मध्ये बंपर नोकरीची संधी, एवढ्या जागांसाठी भरती