वेगवान नाशिक/Nashik/अविनाश पारखे,
मनमाड नांदगाव –
आमदार सुहास अण्णा कांदे यांच्या मार्गदर्शनाखाली मनमाड शहर शिवसेनेतर्फे शनिवार व रविवार या दोन दिवसीय मतदार नोंदणी अभियानाची आज सुरुवात झाली.
मनमाड शहरातील नागरिकांना मतदार यादीला आधार लिंक करणे प्रक्रियेसाठी सोय व्हावी म्हणून आमदार सुहासअण्णा कांदे यांच्या मार्गदर्शनाखाली शिवसेना मनमाड शहर पदाधिकारी व सदस्यांनी 19 नोव्हेंबर व 20 नोव्हेंबर अशा दोन दिवसीय मतदार नोंदणी व आधार लिंक करणे अभियानाचे आयोजन केले.
मनमाड शहरातील 15 विविध ठिकाणी या अभियानाअंतर्गत बी.एल.ओ सहित मनमाड शिवसेना युवासेना तसेच महिला आघाडीचे पदाधिकारी व शिवसैनिकांनी नागरिकांना फॉर्म उपलब्ध करून दिले तसेच विविध अर्ज भरून देणेकामी सहकार्य केले.
अभियानास मनमाड शहरातील नागरिकांनी उदंड प्रतिसाद दिल्याचे दिसले.
