वेगवान नाशिक
निफाड : मागच्या महिन्यातील दिवाळी सणानंतर कांदा मार्केट लिलाव सुरू झाला असून कांदा दरात अपेक्षेप्रमाणे दरात वाढ झाली होती. मात्र, गेल्या सात आठ दिवसांपासून कांद्याच्या दरात सारखी घसरण झाल्याचे पाहायला मिळत असून कांद्याच्या दरात क्विंटलमागे ४०० ते ५०० रुपयांची घसरण झाली आहे. त्यामुळे उत्पादकांच्या चिंतेत भर पडली आहे.
आजचे राशी भविष्यः या राशीच्या लोकांना प्रेमात धोका… astrology
दरम्यान सरासरी कांद्याचे दर २८०० रुपये प्रतिक्विंटल, तर किमान १००० रुपये होते. मात्र गेल्या पाच ते सहा दिवसांपासून कांद्याच्या दरात क्विंटलमागे ४०० ते ५०० रुपयांची घसरण झाली आहे. तर लासलगाव कृषी उत्पन्न बाजार समितीत ४ नोव्हेंबर रोजी उन्हाळ कांद्याला किमान १००१, कमाल ३२६०, तर सरासरी २५४० रुपये प्रतिक्विंटल भाव होता. तर दि.१२ नोव्हेंबर रोजी किमान ७००, कमाल २६५२, तर सरासरी १८५० रुपये दर मिळाला.
हिवाळ्यात या आजारांपासून दूर राहण्याकरिता या सुपरफूडचा आहारात करा समावेश
त्यात चार तारखेला उन्हाळ कांद्याची आवकही जास्त असून त्या तुलनेत शनिवारी निम्मेच आवक होती. त्यामुळे आवक कमी झाल्याने कांदा दरात वाढ होण्याऐवजी ४०० ते ५०० रुपये प्रतिक्विंटल दर घसरले आहेत.
तसेच पिंपळगाव बाजार समितीमध्येही उन्हाळ कांद्याला किमान १५००, कमाल ३६५०, तर सरासरी २६५० रुपये भाव मिळाला होता. पण त्यानंतर दोन-तीन दिवसांनी किमान १३००, कमाल ३०२०, तर सरासरी २१०० रुपये दर मिळाला. त्यामुळे कांदा दरात सध्या क्विंटलमागे ४०० ते ५०० रुपयांची घसरण झाली आहे.
राजधानी आणि परिसरात घोंघावतोय 7.9 रिश्टर स्केल तीव्रतेच्या भूकंपाचा धोका
