वेगवान नाशिक
देशवासियांसाठी दिवाळीनंतरची (diwali) पहिली आनंदाची बातमी आहे. ऑईल मार्केटिंग कंपन्यांनी कमर्शियल एलपीजी सिलेंडरच्या (LPG Cylinder) दरात मोठी कपात केली आहे. ही कपात तात्काळ लागू करण्यात आली आहे.
तात्काळ प्रभावाने गॅस सिलिंडर दरात 115.50 रुपयांची घट करण्यात आली आहे. जून महिन्यानंतर सिलिंडर दरात कपात (Lpg Price Today) करण्याची ही सातवी वेळ आहे. आंतरराष्ट्रीय बाजारात गॅसचे दर घसरल्याने देशांतर्गतही एलपीजीचे दर कमी करण्यात आले आहेत.
19 किलोच्या कमर्शियल गॅस सिलिंडरच्या दरात 610 रुपयांची कपात करण्यात आलेली आहे. या निर्णयामुळे हॉटेल, रेस्टॉरंटसह आदींना मोठा दिलासा मिळाला आहे.
घरगुती वापराच्या गॅस सिलिंडरच्या किंमती जैसे थेच राहणार आहेत. 6 जुलै रोजी 14.2 किलोग्रॅमच्या घरगुती वापराच्या गॅस सिलिंडरच्या किंमतीत 50 रुपये प्रति युनिटने वाढ करण्यात आली होती. यापूर्वी घरगुती गॅस सिलिंडरच्या किंमतीत 19 मे 2022 रोजी बदल करण्यात आले होते.
